Taare Zameen Par "Every Child Is Special"

Taare Zameen Par "Every Child Is Special"
انا لما شفت الفلم انخبلة عليه قصة اجتماعيه دراميه اخليكم معها

تم تصغير الصورة تلقائياً. مقاسات الصورة الأصلية 501x475.

المخرج # أمير خان


نوع الفيلم # دراما


تقييم الفيلم في موقع Imdb # هو 7.9/10


قبل لـ ابدا بالشرح ترا الفيلم ما فيه الا اغنية وحده

وما فيه لا حب ولا رقص ولا شي من خرابيط الهنود اللي في بالكم



# الشخصيات #




^^ إيشان أواتسي ^^







هالخبل هذا بطلنا

طفل في اول سنينه الدراسية مثله مثل اي طفل عادي

يحب اشياء ويكره اشياء ، فهو يحب الرسم جدا والاسماك

والطائرات الورقية ، لكن ما يميز ايشان وما يبني قصة فيلمنا

هو مشكلة ايشان الدراسية فايشان ما فيه امل يفلح في الدراسة

عاد الصف ثالث مرتين وما يركز في الحصص ويفهي دايم في اللي

يصير برا الصف كما ان كل المدرسين في المدرسة يشتكون منه




^^ السيد أواتشي ^^




هالدلخ هذا ابو ايشان

أب حاله كحال بعض الاباء دوما يريد ابناءه في المركز الاول

ولا يرضى بغير الاول ، دائما ما يقسوا على ايشان ويكفخه

وطايح فيه تهزيء ، حريص على ابناءه حرص كبير

واللي يزيد الطين بله انه ما قد قعد مع ايشان وحاول يفهمه

بس طايح فيه كفوف وصراخ وعقابات




^^ السيدة أواتشي ^^








هالمخلوقة هي ام ايشان

حالها حال اي ام في الدنيا تحب عيالها وتعاملهم بلطف وما تطقهم

في الصبح يصير لها قصة حلوووة فهي اللي تطبخ الفطور لافراد البيت

كلهم واحد واحد وبعد هي اللي تدرس ايشان

وتعباانه واااجد من بقارته وتفهيه لكنها صابرة عليه

تحاول دايم تكون موجوده حوله عشان تحميه وتساعده



^^ دادا ^^





هالادمي هذا اخو ايشان الكبير

اللي يشوف دادا << ما ادري اذا اسمه ولا اسم الدلع

ويشوف ايشان ما يصدق انهم اخوان ، فدادا شاطر ودايم الاول على صفه

متعدد المواهب ،، يلعب تنس زين ودايم في مواده ياخذ كامل ويطلع الاول

على صفه ،، متساعد مع اخوه المسكين ودايم يعطف عليه ويساعده لمن يطلب منه





^^ رام ^^



http://www.dancewithshadows.com/movi...khan-taare.jpg




مدرس مادة الفن وهو بطل فيلمنا الثاني

شخص حبوب وخلوق ووسيع صدر ومتفهم ويحب

العيال واااجد ويحب يساعدهم




# نبذه عن الفيلم #


تدور احداث الفيلم عن الطفل الصغير اسمه ايشان



فكما ذكرت سابقا ايشان كسول في دراسته ومهمل مشكلجي



يتهاوش مع عيال الحارة وياكل ضرب من ابوه دائما

على افعاله الخطائه


في يوم من الايام تقرر مديرة مدرسته انها بتفصله

لان عنده مشاكل في التعلم والمدرسين كلهم يتشكون منه وما قاعد



يظهر اي تقدم ويمكن يعيد السنة للمرة الثالثة

فيجن جنون الاب ويقول عن المدرسة انها فاشلة وكيف تقول

ان ولدي مجنون او معاق ويقرر ارساله لمدرسة داخلية



فيحزن ايشان كثيييرا لمن يعرف الخبر لانه راح يفارق اهله

ويترجى في امه ويقول لها انا بدرس وبشد حيلي شوفي

بديت احفظ الحروف الانجليزية "ABCDHIJKXYZ"

بس ابي ابقى معاكم تحزن الام كثييير وتظمه لها وتتمنى بقاءه

بس ما باليد حيله دام الوالد قرر

وفي مقطع يقطع القلب ينتقل ايشان للمدرسة الداخليه

ويبدا الدراسة ،، ولكن للاسف لم تكن الاحوال افضل من مدرسته


القديمه فايشان صار ياكل ضرب من كل استاذ والجميع يتشكى منه

كانوا اهله يزورونه كل اسبوع مرة وفي اسبوع ما قدروا اهله يجون

له بسبب مشاركة دادا في نهائيات التنس فيحزن ايشان كثيرا ويبدا

يتعقد ويصير حزين ويتوقف عن الرسم وتبدا تجيه تخيلات مخيفه وغريبة

لين ما يفرجها ربي ويرحل مدرس الفنية القديم عن المدرسة الى نيوزلندا

ويجي مدرس فنية جديد حبوب وقلبه طيب ،، يتعاطف هالمدرس

مع مشكلة ايشان كثيرا ويحاول يتفهمه ويساعده في مشكلته ...



لكن .. !!



كيف اكتشف المدرس مشكلة ايشان الحقيقية اللي عجز عنها الكثير ؟!



وهل راح يقدر المدرس يساعد الطفل ؟!



وايش الطرق اللي راح يستخدمها ؟!

اترك لكم هذه الاسئلة لتجاوبوا عليها بعد مشاهدة الفيلم



# صور من الموفي #

تم تصغير الصورة تلقائياً. مقاسات الصورة الأصلية 550x363 وحجمها 47KB.

وفي النهاية ان شاء الله يكون التقرير عجبكم

وللامانة فهذا اول تقرير لي عن فيلم

اتمنى اني اكون قد شوقتكم لمشاهدة الفيلم

وعلى فكرة الفيلم يحتوي على الكثير من المشاهد المؤثرة

واللي " تدغدغ " المشاعر كما ان التمثيل

في الفيلم كان متقن وبشكل كبير

الفيلم حلو مرررررررر
انا شاهدة ورائع